分享最近一套很愛的咖啡手沖套裝 - Timemore X lite Coffee Suitcase，比想像中更好看，出來質感很不錯，2000元左右價錢，能夠提供一步到位，免去選擇煩惱！難怪成為各大Blogger/咖啡喜好者首選！立即為大家分享詳情！
同先前講嘅一樣，其實呢套我都係睇人哋開箱，畀人燒到先買返嚟，原本真係冇諗過再買手沖套裝，本身我都有佢牌子另一套入門簡單少少嘅，但就係開個喼嗰吓，覺得好有儀式感，結果咁就入咗手。
懶人之選
咁當然如果本身冇玩開手沖咖啡，或者想入坑試吓先，咁其實市面上真係好多選擇嘅，如果時間足夠，唔介意睇多啲reviews，市面上一定有畀呢套好嘅選擇，甚至價錢平啲都唔定，不過就可能要晒多少少時間去睇啦。咁當然如果你學我唔想煩，唔係喎！我想而家買一套之後乜都唔使諗，升級嗰啲再算，預算亦都有返少少，唔想話嘥時間去睇週邊配搭嘅話，想試咗先，我諗呢套應該會幾唔錯。
手沖套裝內容
咁佢入面有啲乜嘢，其實你可以睇返我先前段片，佢入面已經包咗恆溫手沖壺、濾杯、濾壺、最重要嘅磨豆機、小型嘅expresso杯、濾紙，清潔掃。除咗咖啡豆之外，其他嘅應有盡有，2000中嘅價錢，咁我覺得其實佢定價其實好進取，我估計如果散賣嘅話可能都差唔多。
抵買抵玩
咁其實入咗手，到而家都經過大約一個星期，用起上嚟暫時都接受嘅，冇咩怨言，儀式感上我覺得係充足，質數呢個價錢其實真係有啲抵嘅。不過如果磨豆機手握個柄位做得大少少，我諗整體舒適度會再高啲，而家佢講有啲細有啲難磨（對比C40嘅話）咁其他質素上會唔會有特別嘢分享呢？
我諗唔多，外觀OK，個磅靈敏度呢個價錢完全接受。（PS：曾經買過轟炸機嘅磅，每感受到壓力，3秒內同我自動重置，每次磅豆同落水要同時間鬥快。。。，有一個正常、功能嘅磅我就滿足。。。）
圖中嘅手沖套裝：TIMEMORE X lite Coffee Suitcase 進階手沖咖啡套裝
