香港拉麵的中伏經驗
深信唔少香港人都好鍾意食拉麵，我自己都唔例外，喺我印象中香港食拉麵，差唔多等同畫上中伏一樣，如果去cafe中伏機率係50%，咁拉麵我覺得係95%以上。好多時一食落去，一係個麵有問題，一係個湯底只有MSG“即係味精”，所以每次有朋友約我出去話不如食拉麵，我都會停低思考5秒，再用10秒打字“你哋食得開心啲啦，去回避中伏嘅危機。
終於找到的拉麵好店 - 和拉麵
所以當無意中發現呢間嘢嘅時候，一食落去，係驚喜，終於有一間，個拉麵唔只正常，係好食！味道平衡、湯底融入個麵，但唔會過份搶咗麵嘅風味，濃郁，比例個人覺得啱啱好。嚟咗幾次其實我叫得都比較啩，每次都係龍蝦湯拉麵（佢有普通/有龍蝦版），味道上差唔多，只多隻龍蝦，不過兩者其實個價錢我都覺得抵，起碼個人我已經返嚟咗幾次，每次食拉麵就諗起佢。食評分享唔識寫太多，唔知呢家其他風味嘅拉麵會點，自己感受同research可能會仲好，不過如果講龍蝦湯拉麵，咁嘅價錢我一定揀佢，唔太濃、唔太稀身，啱啱好。
拉麵店內無法想像的驚喜
所以當無意中發現呢間嘢嘅時候，一食落去，係驚喜，終於有一間，個拉麵唔只正常，係好食！味道平衡、湯底融入個麵，但唔會過份搶咗麵嘅風味，濃郁，比例個人覺得啱啱好。嚟咗幾次其實我叫得都比較啩，每次都係龍蝦湯拉麵（佢有普通/有龍蝦版），味道上差唔多，只多隻龍蝦，不過兩者其實個價錢我都覺得抵，起碼個人我已經返嚟咗幾次，每次食拉麵就諗起佢。食評分享唔識寫太多，唔知呢家其他風味嘅拉麵會點，自己感受同research可能會仲好，不過如果講龍蝦湯拉麵，咁嘅價錢我一定揀佢，唔太濃、唔太稀身，啱啱好。
小分享
同埋如果你入嚟呢間舖可能會發現到有唔少驚喜，其中原來有時啲小朋友會喺度畫畫，之後就好似返學貼堂咁，貼上店家指定嘅位置，都幾得意。原本其實諗住影下IG Story分享吓就算，不過食食下又覺得佢好值得出post分享，因為Story只會嗰日完咗就冇，希望其他鍾意食拉麵嘅人以後都可以睇到。
BTW，其實大圍有一間原本未執我覺得好值得同大家分享，好似叫 “譽豚博多拉麵屋” ，不過已經執咗，係5-8年前嗰時，我覺得佢好好食，不過聽講愈做愈差後就執咗，好掛住佢個蟹皇拉麵，好稀有嘅整法，如果有機會，我會試吓拍片重現（不過勝算真係唔大。。。可能要成年後，太複雜，PS：岩岩出嘅時候真係好好食。。）
營業資料：
地址 ：大埔運頭街20-26號港安大廈地下 J舖
電話 ：29881335
營業時間 ： 星期二至日12:00 - 15:00及18:00 - 22:30
