睇到呢度又可能有其他人会问，咁之前你试过嗰堆呢？唔记得喇咩？ um....硬要讲呢，记得部份慨...不过要我即刻讲出口，我真系要谂谂，但如果uncle ben呢，一秒就讲到，而且隐隐约约个口腔仲记得个风味，简单啲讲就好似食朱古力，你会知道朱古力系咩味道，而成个过程系已经去到唔需要谂慨阶段，渠带俾我慨感觉就系咁样。
睇到呢度，我想分享吓我慨体验，如果关于渠风味等慨资料，可以去返佢个网/睇睇其他人分享，内容会比我好好多。
入坑Uncle Ben Coffee 风味
唔知大家平时会点样去买咖啡豆？
先睇豆种、再睇产地、再睇roaster/品牌炒出嚟咩风味等等资料先？作为入坑就快一年慨我嚟讲，老老实实，我真正啡龄真系未够一年，冇大家谂到咁专业，对于我自已，要我记产地、豆种、庄园出嚟慨风味，有难度...对于入坑咗一段时间慨我...有啲高，加上我记性唔太好，所以多数买豆，买完后除非试完真系好深刻，否则可能下次就转第2间。至于点为之深刻呢？最简单讲，就系钟意渠出嚟慨风味。
对于Uncle ben coffee，基本上有留意我Story慨朋友就知道，先前无意中有一次喺长沙湾Contrast接触过后，试咗渠哋整慨手冲后好钟意，之后因为咁样冲咗去铜锣湾嗰边买，买完后返到去一试，好正！好钟意！估唔到有呢种风味喎！
就系咁...每一日都会享受渠所带嚟舌尖上慨感觉，亦开始深深迷上呢个品牌，因为渠小有独特风味令我记住入脑，成为我每朝/深宵慨陪伴密友之一，而且因为渠，我都开始搵本地唔同roaster，睇睇会唔会有唔一样慨风格，真心冇谂过由本身每日/隔几日饮一杯啡慨我，慢慢到而家两至三杯/日。不过饮咁多唔系提神，系钟意，我钟意饮啡，就系咁简单。
入坑手冲后记
如果初尝入坑手冲，有少少预算，买完基本手冲周边后，可以试吓Uncle ben coffee，味道比文字描术更出色，建议你试试！会比想像中惊喜更多！
其实最尾真系有谂过好唔好咁写出嚟，但谂返主题系咖啡豆分享，咁分享感受都系属于分享内容慨一部份，对于呢个牌子老老实实真系几钟意，入坑唔系好耐慨我，对于本土慨各大品牌或者Roasrer认识真心唔多，都系睇大家share我先知道。
我会唔会因为知道嗰个庄园，而选择去买嗰类慨咖啡豆？我谂应该未必，因为我连庄园慨资料我都唔太清楚，对于大众之一（即系我）入坑唔算好耐，有时去coffee shop买咖啡豆，好多时职员都会同我讲呢款呢款喺边度出慨，呢款个处理法系点样，其实我真系一知半解，而且我真系其实想知，但奈何有时真系听唔明，所以决定买同唔买慨因素，只系纯粹因为渠慨风味啱唔啱我。
对于咖啡慨文化同资料，我谂我仲要用好长时间去学习。对于咖啡豆慨选择，会唔会第二次选择去同一个铺头买？我谂我暂时我会用风味去决定，而uncleben，我谂唔只会有第2、3、4，甚至5、6、7….直接我有一日饮厌为止。
最后唔知大家明唔明我后记所讲慨说话，不过就系好突然咁样想分享。
PS：写完后，我发现成篇只讲好，有冇其他嘢呢？但对唔住，真系谂唔到...我想中肯/持平㗎，上面已经系.... 就系咁喇！完！
咖啡豆品牌： @uncle.ben.coffee
地址：铜锣湾新会道G102 G/F 6-10 Sun Wui Road京城大厦
营业时间： 12:00-18:00 (逢星期一休息）
