今次想分享嘅係嘗試在香港種植櫻花，我諗大部份人買櫻花鮮切支，應該都會係水種，水種之後、花期完咗，可能都係會抌咗佢，我喺度諗，如果我加泥，佢花期其實會唔會長少少呢？結果誤打唔撞之下，就有咗以下故事，俾我成功種到。
其實一直對於櫻花係有一種莫名嘅情意結，除咗係形態分布之外，其實我係好鍾意佢嘅花瓣顏色，仲有就係嗰種樹嘅美感，一支一支樹枝散出嚟嗰種分佈，我覺得真係好靚。
如果上年有留意我IG嘅朋友都應該見過同樣有一枝嘅櫻花，不過嗰支係移至嘅時候唔小心整斷咗根，之後加上害蟲入侵，所以最後壞死左，所以成年其實有不斷同自己講過，如果再見到櫻花一定要成功再種到！結果等咗成年之後終於有喇！不過我真係估唔到原來香港呢個時候有咁多地方都有得賣，喺出story之前，我以為香港剩係得幾間會入貨，不過好彩有你哋提醒結果我終於買到，好啦係時候直入正題！
櫻花種種心得
今次想分享嘅係嘗試在香港種植櫻花，我諗大部份人買櫻花鮮切支，應該都會係水種，水種之後、花期完咗，可能都係會抌咗佢，我上年都係咁諗，但係同時間我喺度諗，如果我加泥，佢花期其實會唔會長少少呢？結果誤打唔撞之下，竟然比我發現佢有生莖，仲要係大枝嘢！不過可惜當發現嘅時候就係咁啱唔小心整斷咗，就變咗有上面嘅故事。
櫻花種植經驗分享
咁當我今年去買返櫻花鮮切支嘅時候，我諗住買泥土睇吓有冇邊啲泥土可以適合種櫻花嘅，結果有幾位商家都同我講，話香港冇可能種到櫻花，話氣候唔得，根都生唔到。聽完之後，我梗係瞬間灰咗啦，不過我又真係唔順氣，結果照喺花墟抬咗成堆泥，返屋企研究，再用返上年嘅方法試一試，結果係，有生到莖，有綠葉，好似仲生長緊，話唔定救得返。所以就決定開呢個post記錄一下，因為其實先前都有Google過睇吓香港會唔會有人種到櫻花，結果大部份都係水種，只適合短期，我自己想種嘅係可以一年後都見到佢嗰隻，即係長種，唔係要純花期，因為一年後，假如成功，佢只有葉我覺得都幾靚，就算冇花瓣都OK。
櫻花種植過程及總結
今次種呢個櫻花，係打緊呢篇文嘅時候，好慶幸我前日見到佢生莖，喺泥土度有部份係成功嘅，我諗主要係疏水性，好厚嘅泥土層，同埋夠氧氣俾佢，聽落好似好廢，不過其實先唔知有冇人試過種好大盤嘅嘢，你發現永遠種吓種吓佢就會壞莖死。呢個情況，我先前都試過，我覺得係種植嘅盤問題，大部份市面上買到嘅盤，越大嘅盤下邊嘅開口，都只會開一個細窿俾你，植物莖部去吸取氧氣，只可以透過上表層嘅泥土，下邊多數係一個儲水性同埋多餘水份溜走，先會有機會用下面個孔，所以永遠當你仲唔夠半年，你會發現棵嘢越生越慢，最後唔知咩事就會壞死。咁所以我而家買任何盤嘅返嚟，第一時間就係有咁多窿開咁多，希望㗎呢個疏水陳領導泥土同埋水份都可以有適當嘅儲存水份同埋空氣表面接觸，不過壞處就係個盤要比正常種植大更加多，同埋淋水可能都會多啲，方法寫咗喺圖片度，有興趣可以參考。
以上都係我一邊錄音一邊講，唔知大家睇唔睇得明，可能會睇到一嚿嚿，之後如果有時間，我去買多個盤返嚟俾大家了解吓用呢個方法點樣去種
