咁首先多谢Ikape espresso渠哋慨邀请啦，如果有留意我Story或者IG Reels慨朋友，都应该见过部份使用体验，暂时用咗一至两个星期，我谂住将呢两个礼拜经验分享一下。讲明先，都系有嗰句讲果句。好，正文开始！咁话说如果有留意开我IG慨朋友，都知道我对于奶啡慨体验，不嬲都系麻麻地，咁当然最大主要原因系我好少冲奶啡，亦都唔识拉花，所以一直兴趣都唔系好大。
咁至于钟唔钟意饮呢，我谂我会钟意饮Black coffee多少少，我钟意嗰一种慨干净感，但你话咁我出街会唔会买奶啡饮呢？我系会慨！
一套适合的浓缩咖啡工具很重要
咁所以当我第一时间收到品牌方慨邀请，老实讲，兴趣冇手冲个类咁大，不过就一直都好想试吓成功拉花，先前试过买部份周边配件返嚟试，但都系冇果一种感觉，用起上嚟睇落好似好方便，但实际冇大家想像咁方便。咁所以一直都好少出关于有奶啡慨资讯，不过就系当收到呢个品牌方之后，又估你唔到喎，又真系大大增加左兴趣（咁当然系渠齐配件，同埋嗰部份真系几好用，性价比都接受到慨）
一个性价比高的入场品牌
我谂深信好多人喺屋企想玩奶啡，除咗你有个空间之外，其实入场费用我都觉得几高吓，唔计部意式咖啡机，你布粉器、压粉器、粉针、放配件嘢慨箱等等，如果买有牌子，齐配件慨，大大话话都几千以上，我谂应该走唔甩。
咁所以初时我接触奶啡慨时候，我真系估唔到初次入场预算门槛的确系比较高少少，而且仲有事后慨清洗，整奶啡慨时间，我谂就算你买咗部机返嚟，可能你慢慢都唔会想用，加上唔熟手，整唔整到又系一个问题，我谂最后好多人都会宁愿出去买奶啡，悭钱悭时间。
以上呢点系我接触大部份朋友，最多同我讲嘢慨问题，而对于我自己都系一样，齐配件洗一转，咁就冇咗半个钟啦！如果我要朝早起身返工嗰时整，我谂我会有啲却步。所以一直都好想有啲好方便拎起就用慨配件，重点易打理，我谂呢个牌子系做到呢步。
Ikape Espresso使用体验
讲明先，奶啡我真系好少玩，所以好多原理上我都唔会话太清楚，加上我系好懒去睇说明书或者大量技术教学慨人，大部份慨嘢买咗返嚟直接实战，好用就好用，唔好用就唔好用。
我谂呢个Espresso慨配件套装，比我想人中越嚟越易用，其他配件冇话太大慨特别，不过有一个我系好深刻慨，第一系有个自适应重力布粉器，坚系好用，佢唔需要压慨，渠系放落去慨时候，因为佢个金属好重，所以就系会因应粉尘慨厚度，你俾一个好合适慨重力渠，做到布粉慨效果，唔使再惊每一次力度太大或者太细，唔知点解就系啱啱好力度，呢个要赞。比起我先前嗰个好用太多。
一放落去转几个圈搞掂！
其他感觉就暂时都几好用慨，我谂之后用落一排再详细分享，暂时因为渠我夜晚愿意咗去玩多少少拉花。
希望今个月真系成功拉到，我谂我用多阵先再同大家分享详细版本，完！
