好耐都冇同大家分享过咖啡周边，今次想同大家分享慨系咖啡用具「kruve咖啡闻香杯&手冲滤壶」，我谂呢套香港应该暂时比较少人用，而我自己当初埋渠慨原因系「靓」，冇错就系咁简单。之后对我咖啡提升慨体验，俾我当初谂慨超出都几多吓。我原本真系expect渠一只好靓慨杯，咁就完咗件事，所谓慨闻唔闻香，我真系纯粹当渠系marketing术语，但事后我系错咗慨，转头解释点解。
为什么我会选择购买Kruve 咖啡杯？
咁话说我一直对咖啡玻璃产品，其实冇乜抵抗力，除咗兴趣收集一套外，只要个玻璃做工通透，而外观靓慨话，多数我都会不问品牌下直接入手。对于玻璃咖啡杯，深信多多少少大家都睇过唔少，咖啡市场上Fellow、Timemore、Kalita、Hario都会有唔少选择，不过对于拥有强大产品生产线慨渠哋，主都系围绕滤壶、滤杯、或者系Espresso慨杯，如果讲到一只150 mL以上慨玻璃杯，睇中有想即买慨感觉，外观仲要冇咁「行货」，我谂呢方面咖啡用具市面上的确系比较少。
所以我做research慨时候，基于以上条件，真正靓慨，我估10只手指数得晒，咁所以当我发现呢个牌子慨时候，果下我对眼系发光慨，因为事前加埋渠慨双层玻璃做工，咁结果就即刻入咗手。
另外原本谂住睇吓网上有冇朋友分享有关产品专业知识/评价，结果都系得官网/部份网店有讲，不过内容都系好少，所以买嗰时你话唔担心个冲煮品质就假慨。
Kruve EQ 咖啡闻香杯与手冲壶的使用体验与原理，真的能有效提升整个手冲咖啡的品尝体验吗？
入手之后，我谂对渠慨感想系好坏参半，如果要用一句去表达我成个体验，我谂会系呢句「闻香杯品尝系好事，但手冲壶体验系坏事」系一个比较争少少就完美体验慨件事。
先讲渠慨闻香杯，佢个设计比较似红酒杯个概念，主要都系透过杯口慨直径同高度，等咖啡慨香气分子集中啲，当你一去饮慨时候，因为个杯口比较高身慨关系，所以佢好容易罩住你个鼻，饮慨时候你吸慨空气会系直接系闻香杯装住咖啡散发出嚟慨空气，所以成个体验对于咖啡迷其实系一个好大慨提升，咁至于你话红酒杯做唔做到呢个效果呢？我深信都可以慨，不过要咁高慨杯口直径可能要香宾嗰啲杯先得。不过就拎住个酒杯去饮咖啡，我觉得真系有少少怪，而呢套就可以解决埋呢方面慨问题。
渠另一个杯口比较阔少少，概念都系一样慨，如果问我自己，我比较钟意高身直径嗰款，我谂饮慨感觉，如果真系要夹硬用一个数字去讲渠提升几多，我谂10% - 20%以上走唔甩，因为品尝其实有部份系靠香气去传递俾你大脑，所以多香气集中对你饮慨咖啡质素有冇提升呢？系真系会有影响。
咁你话普遍慨咖啡杯做唔做到咁慨体验呢？我谂会比较难少少，始终受嗰个杯口直径同高身设计限制。咁同埋手冲壶个原理其实都一样，所以就唔多作介绍。
除了品嗜咖啡外，让人意想不到的的手冲时使用体验，产生让人悦耳的声音
另一个分享比较特别小小慨主题，就系声学，唔知大家平时冲煮咖啡慨时候会唔会留意声音，如果有留意慨话，我想讲一句渠慨声音系非常悦耳，基于渠慨材质系玻璃，仲要系双层，仲要系高身设计，所以当水流打落去个手冲壶/玻璃杯底部慨时候，渠慨声音反弹返上嚟系一种通透、清脆、但系好实慨感觉。
如果用一个现实慨例子，去做一个幻想，渠就好似去咗一个好大慨山洞入边，而山洞入边，有一道瀑布，水流沿着瀑布向湖底方向冲击落去，嗰种水流慨清澈声音，就系渠会反应到，等你提升个咖啡感官，所以如果当你屋企冇人时候，不妨试吓熄晒全屋慨声音，你就会明白我讲慨系咩。
可能夸张，但事实就系咁，呢点值得一赞。
有关Kurve 咖啡闻香组合的外观设计，让人眼球焕然一新
相中睇慨外观/颜色其实同实物睇差唔多，外貌协会嚟讲系超高水准慨，双层慨设计，当渠内层玻璃充满左咖啡，如果屋企有多少少光，你会见到玻璃折射光线后，个咖啡入面系会有一种少少发光，无论手冲壶同闻香杯，都会有一样慨效果，呢点好钟意。
另外得益双层玻璃设计，所以拎个时你唔会感觉好热，可以好放心你一啲入边装咗好热慨嘢，睇得又实用闻香杯大赞！
最后佢个玻璃，我谂咁多款玻璃制品，渠都算系通透慨一款，同埋渠会有一种少少透绿慨效果，光线折射下会更加明显，唔会系完全冇颜色。不过就外观上面睇我觉得系一种加乘，唔会俾人感觉系一种好平价慨玻璃质感。
美中不足，Kurve咖啡手冲壶半伏
咖啡闻香杯，我真心觉得系好好，有机会就入手，但至于手冲壶，可以买，但唔系必须，除咗有以上慨优点之外，其实关于滤壶，我会非常注重一件事，就系倒落去杯慨过程，入边慨液体会唔会倒泻？最后搞到成张台都系水，而我开始慨时候真系百分百倒泻，后尾再研究先知道倒水都要有技巧，呢部份我真系冇谂过。
容易倒泻咖啡液体的设计，Kruve咖啡手冲壶
其实佢个倒水位，做得比较厚，而且渠慨樽身都比较大，所以樽入边有咖啡倒落去慨话，你系好难睇到个倒水位点倒水，一个唔留神樽身倒水位，唔系对准杯身（直角对准地下90度），你就会中伏。
暂时喺其他咖啡滤壶，我系未试过呢个情况发生，咁当然都有可能系我问题，不过我就觉得呢点唔系太过方便，因为基本上我到而家用10次有5次都系要抹一抹返个樽身。
同埋永远都有一两滴流出来，呢段真系有啲失望，但其他体验都系OK慨。
小插曲- Kruve咖啡闻香组合，开箱前的顾虑
分享一个细慨小插曲，我谂对于大部份玻璃咖啡器具/产品，我买慨时候会有一件时必定检查咗个产品有冇问题先，因为我曾经试过Fellow个类慨玻璃产品，喺香港运输过程爆咗，事后搞咗一大轮，所以对于咖啡玻璃产品都会比较小心眼，香港尽量有现货，就买现货。
如果Kruve闻香杯如果要买慨话，最好唔好拣网店买，因为玻璃比较薄身，如果要买最好现场去拎走，因为惊物流会运输时Dum货，或者落订单时可以比多少少运费，叫网店商家包好晒先出货就比较个品质上会安全啲。
Kurve EQ 咖啡闻香组合总结
我谂以上慨分享就去到呢度，我个人建议如果你想买杯，不妨可以考虑吓，但你话呢手冲壶，如果你觉得以上倒泻个条件唔系太大烦恼，我觉得都可以入手慨，用嚟招呼朋友嗰时就小心啲就OK。
同埋最后唔记得讲，因为手冲壶渠入边个高度比较长，所以清洁慨时候你系要搵啲高身清洁用具/水枪先洗到，如果唔系会有啲难搞，所以我自己都唔系成日用渠，就系咁，完！
