久遗慨中伏分享系列，今次想分享好好好耐慨小型吸尘机，渠可以不断刷新我三观，令我唔敢再买呢类产品住，可以讲同上次慨黑砂滤杯慨心理阴影差唔多，用到劲激气，喺正文开始之前，都系带返个头盔先，冇针对任何品牌/商家，纯个人经验分享，可能只系我好彩抽中「机神」ummmm，就系咁喇！正文开始！
中伏分享！不断刷新我的认知暴风胶囊吸尘机！评测分享！
唔知大家对于一个「手提小型吸尘机」慨慨念系点，对于我自己呢，无非系够细拎得起、吸到尘/啡渣、电量正常、偶尔清尘、重点「希望减轻使用者日常生活清洁负担」就好，唔知大家觉得，对于我以上要求一个「手提小型吸尘机」过唔过份，我自己喺买渠之前，我认为系普遍知识，我见人哋/网上慨开箱介绍Video，大家都用得好开心，于是就咁样，我就开始踏入我慨中伏之旅...
一年使用体验心得
买返嚟慨原意，都系谂住间唔中清清Coffee Corner台上慨咖啡碎，或者系间唔中喺Espresso机上慨尘/磨豆机上慨细粉，因为有D位用扫仔去清洁，扫完都会喺张台度，所以谂住搵个吸尘机仔去清会快好多，亦都唔需要嘥太多时间，或者要湿水用湿纸巾去吸渠哋上嚟，但点知....幻想总是美好的。咁返嚟后充完电，头1、2次用，吸都系好正常，除咗机身偶尔有少少热，同出风位有D怪（渠讲慨吹气效果）其他都有理想中慨效果，但当到第3次之后...嚟料了！
不能接受的遭糕体验
机身吸唔够10秒就熄机...初时我都以为系电量问题，谂住搵条速充电线去帮渠充啦，点知原来唔支援，咁我就搵返条2A以内慨充电线（慢充）先充到渠，充完一晚之后，我第2朝一用，又唔够10秒就熄机...搵咗好耐原因，结果系中间慨垃圾区域满咗，但等等先！肉眼睇，入面个区域吉㗎喎！得少量粉，OK，照倒倒试吓啦！又得返！后尾发现原因，渠入面个金属滤网（官方话系过滤系统）原来因为金属孔太细，所以一有粉状慨嘢就会自动塞住，当塞住后，渠就会感应吸唔到空气后，就自动熄机...
之后就变咗，如果我吸咖啡碎，用1-2次，就要去垃圾桶去扫返金属滤网D粉走...但当你以为扫完，下次开心用，YA！渠又冇电啦！用5分钟，充我5个钟....
OK，当以上问题解决，用嗰时你以为好舒服？错了，渠下方个吸管，系劲易松，用嗰时吸吸下，唔小心郁到渠就会跌落嚟，结果你又要执返支嘢吸落去，咁又冇咗30秒吸咖啡碎慨时间喇！而且吸管前方个扫，佢个扫原本可以条管向吸管方向拉后，令到吸嘴突出，可以吸力大D，但我用咗几次后，渠就"卡"实咗了...
咁上面都系小问题，当你好熟个手势，谂住今次去吸得啦！唔够2分钟，过热...熄机！ O....K...我忍！咁碎啫，我手脚快少少就冇问题！
但呢个时侯，物理学出现了，有吸空气慨地方，就必定会有喷空气慨地方，咁佢喷慨位置喺边？冇错，就喺机身后面，如果你将个喷嘴向下，因为渠喷力都几强，会喷走返你台面慨咖啡碎/尘...，咁...我吸咩... .，我掉返转个喷头啦，渠向天喷都OK慨...前题你屋企够大，因为当你附近有杂物，渠就会将其他杂物上慨尘，会喷到成屋都系....如果你冲咖啡慨位置喺厨房，自己谂谂画面，渠喷力仲系强慨....（有冇得较力度？有，强/特强，可以2选1，仲有个加速mode，可以变特特强风力）变咁用嗰时我就要边用边就渠，除非你张台附近冇嘢，否则都几难搞。
当你处理好晒以上慨问题，再想用慨时侯，你会发现...渠又冇电喇！去冲电啦！结果就不断循环返以上慨事，顶，咁我拎把扫仔好过啦，用佢做咩啫！买返嚟后仲要服侍渠，CLS Product。
一年使用VSGO VS-VC01 V1 Pro 暴风胶囊手持式电动吸尘器总结
关于对渠慨感受，就系咁喇，对住渠，我己经放弃咗，除咗个样觉得几好睇，个风力几好外（不限于风力持续时间），如果作为吸尘机，一个咁麻烦慨Product，到底边LUN个设计，完！冇补充！
