分享最近一套很爱的咖啡手冲套装- Timemore X lite Coffee Suitcase，比想像中更好看，出来质感很不错，2000元左右价钱，能够提供一步到位，免去选择烦恼！难怪成为各大Blogger/咖啡喜好者首选！立即为大家分享详情！
同先前讲慨一样，其实呢套我都系睇人哋开箱，畀人烧到先买返嚟，原本真系冇谂过再买手冲套装，本身我都有渠牌子另一套入门简单少少慨，但就系开个喼嗰吓，觉得好有仪式感，结果咁就入咗手。
懒人之选
咁当然如果本身冇玩开手冲咖啡，或者想入坑试吓先，咁其实市面上真系好多选择慨，如果时间足够，唔介意睇多啲reviews，市面上一定有畀呢套好慨选择，甚至价钱平啲都唔定，不过就可能要晒多少少时间去睇啦。咁当然如果你学我唔想烦，唔系喎！我想而家买一套之后乜都唔使谂，升级嗰啲再算，预算亦都有返少少，唔想话嘥时间去睇周边配搭慨话，想试咗先，我谂呢套应该会几唔错。
手冲套装内容
咁佢入面有啲乜嘢，其实你可以睇返我先前段片，渠入面已经包咗恒温手冲壶、滤杯、滤壶、最重要慨磨豆机、小型慨expresso杯、滤纸，清洁扫。除咗咖啡豆之外，其他慨应有尽有，2000中慨价钱，咁我觉得其实渠定价其实好进取，我估计如果散卖慨话可能都差唔多。
抵买抵玩
咁其实入咗手，到而家都经过大约一个星期，用起上嚟暂时都接受慨，冇咩怨言，仪式感上我觉得系充足，质数呢个价钱其实真系有啲抵慨。不过如果磨豆机手握个柄位做得大少少，我谂整体舒适度会再高啲，而家渠讲有啲细有啲难磨（对比C40慨话）咁其他质素上会唔会有特别嘢分享呢？
我谂唔多，外观OK，个磅灵敏度呢个价钱完全接受。 （PS：曾经买过轰炸机慨磅，每感受到压力，3秒内同我自动重置，每次磅豆同落水要同时间斗快。。。，有一个正常、功能慨磅我就满足。 。。）
图中慨手冲套装：TIMEMORE X lite Coffee Suitcase 进阶手冲咖啡套装
