近年來，手沖咖啡已成為許多咖啡愛好者的首選。對於追求卓越口感和風味的人來說，選擇合適的咖啡豆更是不可或缺的步驟。今天，我要介紹的是來自日本大阪烘豆店，Cup of Excellence 2020得獎的Tsujimoto coffee辻本珈琲 Marsellesa。
這款咖啡豆一開封即充斥著豐富香氣。不必沖煮，單是放在臺面上，它的香味就足以引人入勝。當您嘗試手沖時，那股撲鼻而來的香氣，混合著堅果和果味，保證讓您心醉神迷。當中的果味如此明亮且重酸，瞬間活躍於味蕾中。
品嚐啡的多重宇宙
重酸明亮、小甘、微苦，多重混合延伸層次、中等餘韻、入口短時間內首層帶有複雜堅果風味，之後第二層果味重酸馬上刺激味蕾、吞嚥後喉嚨感到少量乾身，同時後方口腔充斥微苦，一段時間後回甜帶苦、呢隻算係層次比較多嘅一款，難得香氣 X 味道平衡且各有特色，明白點解佢會得獎。*需留意溫度下降時酸味會再明亮。
小分享
其實買咗咁多咖啡豆...唔多唔少對日本出品嘅咖啡豆有少少執著同期望，一嚟可能胃口啱少少，二嚟買親日本出嘅真係好少會失望，每次買都喺一個出奇蛋，打開試飲後會係咩風味呢！？唔多唔少已成為我嘅日常。
繼日光咖啡 - 女峰山後，一款個人決定要encore嘅咖啡豆，層次混合比較難忘，而且堅係好香，就算買嚟當香氛擺都唔會過份嘅豆，搵日有機會虹吸再試試佢。
補返官方資料：
日本大阪烘豆店 Cup ofExcellence 單品咖啡豆｜辻本珈琲
MEXICO（墨西哥）～ 2020 Cup of ExcellenceRank 11～
重量：100克
生豆原產地：黑西哥
品種：Marsellesa
種植高度：1,100m
精製方法：Washed
烘焙程度：中淺煎
香味：檸檬、酸橙、焦糖、青蘋果、蜂蜜、青葡萄、杏、肉桂、柑橘、葡萄柚、青梅、檸檬茶、檸檬草、橘子
