繼先前嘅白蘭地咖啡，決定再入手佢嘅威士忌咖啡豆，呢款喺未被高溫手沖時，佢嘅威士忌味真係好好聞，香氣派嘅你可以留意下。
多感官刺激且層次感分明的酒味咖啡豆
打開包裝時已經有感咖啡豆帶濃厚的威士忌發酵香氣，手磨後更上一層，與普遍威士忌有一刻香氣十分相似，當手沖後，威士忌香氣衰感，比較沉實穩重。入口帶果韻、偏酸帶甘香、擁有極少酒香、味道個人品嚐時覺得較難分辨，感覺比較柔軟溫和，輕量經典的咖啡豆風味，口感溫厚棉滑，餘韻適中，各方相對平衡，中溫時果味更明亮，酸度更出。
與上款白蘭地比較始終有落差
如果同佢上一款白蘭地比較嘅話，我諗我鍾意佢上一包多好多，呢款手沖後，相對上各方比較平衡冇咁突出，而且先前嗰款品嚐後風格真係非常閃亮，加上好啱個人口味，所以唔多唔少都會有比較。不過如果冇試佢上款嘅話，呢款都可以試下入手，有機會再試埋佢白蘭地，驚喜大好多。
威士忌浸漬咖啡豆品嚐總結
其實今款品嚐後，會覺得有啲失落，因為佢上一款真係太出色，冇比較冇傷害，但我個腦一直跟住佢上一次嘅感覺，所以其實當初預計呢款品嚐後會係非常驚人，但可惜最終結果係有啲平淡無奇。不過如果你買唔到白蘭地嘅話，你試呢款可能又會同我唔同嘅感覺。另外如果日後有幸買到有酒香嘅咖啡豆，有機會配埋朱古力一齊品嗜，你會發現呢兩者關係非常夾，一啖咖啡、一啖朱古力，兩者極端嘅味道同香氣喺味蕾上跳嚟跳去，之後再融合一齊係非常特別。
補返官方資料：日本長野縣 威士忌浸漬咖啡豆（150g）
Alps coffee lAb.
Series : Kaoru
Taste : Whisky
Technic : Liquor-Soaked
咖啡豆品牌：Alps coffee lAb.
地址：
營業時間： 10:00-18:00
