分享極具高水準及可玩性的義式拉霸機，即使對濃縮咖啡不熟悉，在家亦能沖出好Espresso。
為什麼會入手Flair 58 Espresso Machine拉霸咖啡機？
我諗對於我自己嚟講，要製作一杯咖啡，相對電動嘅Espresso、Nespresso機、可以極短時間有一杯風味穩定，有埋打奶功能，有埋自動出水、控熱、加減壓、清洗方便，一切都可以交俾"機器"幫你決定嘅電動ESP機，我會寧願選擇一部全機械操作，拉霸嘅過程仲可能會好痛苦，慢少少水溫會下降，仲要手動加水，有好多唔穩定因素，每次結果不再穩定。
要嘅，可能只係簡簡單單嘅儀式感，或者係親手製作一杯ESP嘅感覺，別無其他。
但相對上，每次製作一杯濃縮咖啡，我會多咗一份喜悅、期待、過程、仲有係...追求...希望知道下一次有咩方法可以盡善盡美。
Flair 58充滿了可玩性
睇到呢到嘅朋友，可能會覺得誇張咗，但以上真心係我呢半年嚟嘅經驗，家中前數個月同時買了一部Lelit mara x V2，相對上算是偏向少少機械感，但可惜可玩性變化我還是覺得比較少，有人亦可能會問，佢有得改變壓喎？仲唔夠咩？
夠，但我覺得Flair 58可以更好。
Flair 58水箱我可以裝奶、凍檸茶、湯，任何液體，粉餅位可放美祿、加兩塊橙皮落去添，對，其他電動ESP機都可以加，但事後清洗呢？如果今早做完，晚上呢我想飲一杯濃縮咖啡呢？相信大部份傳統意式咖啡機都應該會入廠維修，但Flair 58卻可清洗後（1小時左右），捲土重來，因全機械設計，及容易清洗（正常情況下5分鐘都不用），可以非常地滿足我意外的奇怪，我甚至不用擔心加熱器、ESP出水位、內置鍋爐會選壞，等而損失了一部好機器。
當然，你問我傳統出來質素會更好，亦有打奶，而且使用時更方便！無可否認，是！但入場最少都$7000up，而且未計算老化替換（Flair因機械設計，我個人覺得最少可玩數年以上...而且有單獨零件全可自行簡單替換）我想在入坑時，將會是近年一大會思考的位置，我覺得，一半價錢，做到ESP 8-9功成能，我更傾向前者。
Flair 58帶給我半年的使用體驗
Flair 58可輕鬆加壓至9Bar, 可做到傳統萬元濃縮咖啡機質素（個人覺得）而且該咖啡器材亦設有預熱器，大約3-5分鐘就可以準備好（不過預熱器版本要額外加錢，數百港幣左右）不用擔心注水後，面對金屬水箱吸熱/散熱，面對溫度流失，比起Flair Pro2/ Neo 要注水預熱，方便超多！
拒絕繁複清洗程序
另一方面大部份拉霸式濃縮咖啡機，在準備製作一杯濃縮咖啡時都很麻煩，如要組裝水箱位置、抽拉式/加壓式手把，而且當加壓製作ESP後，都會面對一個問題，就是需要拆機清洗，在先前使用Flair Neo/Pro 2我發現真的超煩！而且組裝時會因咖材按壓到手部超痛！所以Neo多數變擺設....而且感覺與傳統ESP咖啡機相比，使用體驗就像玩具，但Flair 58大幅改善此體驗，清洗時亦只需往水箱簡單注水後，紙巾清潔則可，58mm咖啡手柄則可與平常傳統咖啡機一樣清潔，並且能共通使用，我每次事後清潔都只是5分鐘內事情，在早上上班都可以輕鬆享受。
拉霸式無痛入場
其他分享是，大部份ESP機，都有變壓功能，但以我認知，入場費用$10000-12000以上走不了，但Flair 58可因應你施加力度改變製作時壓力（當然一分錢一分貨，製時拉霸式過程是辛苦（即係將支桿幅上而下拉落嚟）不過換來卻是另一份更珍貴的風味，我覺得OK。
除了不能打奶外和沒有內置大水箱、去水水箱外，其他分別與ESP機不大。
Flair 58的使用壞處
讚咗咁多，係時候數佢壞處，我首先想講嘅係！好大塵！好吸塵！如果有看照片的大家，會發現很多多多塵對不？我想說，拍照事前我已經清潔了數次...但還是吸塵...機身水箱對外有像膠位置，個人覺得可參加過往的日本節目 - 矛盾大對決(永遠清不掉所有塵的機器vs能清潔所有塵的機器），如果是強逼症患者，絕對是惡夢...每次製作後都要替他套上膠袋防塵...
無視說明書組裝後變遺憾美
另一點是，同樣像膠位置，因發熱組件及水箱在那邊，如果想把整機解體，就必須轉動整個組件，但問題是...當組裝後我發現很難再解體，之後因發熱線與供電位置，在水箱的像膠金屬位置裡面，但像膠又是可以轉動...結果當轉動外面像膠，就會扯斷水箱金屬預熱位置的線材（因為我就是這樣...最後預熱位置再用不了《我估計》），所以就...當買固來後，沒有完全看說明書的我，就結果不知情下弄壞了一部份，又有預熱變沒預熱，最後都是要變回加熱水預熱....一定要小心，不要轉動！安裝後就不要再轉動水箱外像膠圈了...
Flair 58使用體驗總結
除了以上壞處外，暫時半年使用感受體驗非常良好，整體是一部非常滿意的手動濃縮咖啡機，你可想像是傳統菲林相機帶來的儀式感及可玩性，數碼相機（電動濃縮咖啡機）會有他的好處，兩者同樣能夠真正製作好照片（濃縮咖啡），但過程方向不一樣，追求的東西大不相同，就看看個人喜好是什麼了。
